Danger Zone: SHARK DAMON FERRER

"Nasaan yung impaktong yon Carla?! Ituro mo sakin kung nasaan ang manloloko mong boyfriend?!" nandito kami sa loob nang mamahaling restaurant kung saan nakita ni Carla na may kadate na iba ang impaktong boyfriend niya. Naiiyak niyang tinuro kung nasaan ang jowa niya. At ayun! May kadate nga itong iba. Akmang lalapitan ko na sila nang hinawakan ako sa braso ni Carla. "A-anong gagawin mo bestie?" kinakabahang tanong niya. "Tuturuan ko ng leksyon ang impaktong yun!" sabi ko at sinugod ulit sila. Tinapik ko sa balikat ang jowa ni bestie na enjoy na enjoy kausap ang kalandian nito. Nagtatakang tumingin sakin ang lalaki. Oh my ghad! Hindi ko alam na ganito pala kagwapo ang jowa ni Carla. "Sino yang babaeng yan?!" sigaw ko sabay turo sa babaeng ka date niya. Napatingin samin ang mga tao sa restau. Napatayo naman ang lalaki. Napansin kong sinesenyasan ako ni Carla, na para bang pinapatigil ako sa kung ano man ang plano kong gawin. Tss! Ayan ang mahirap sa kanya eh. Masyadong mahina ang loob! "Who the hell are you miss?" naiiritang tanong nang lalaki sakin. "Wow! Matapos nang mga nangyari satin ay kakalimutan mo na lang ako at makikipaglandian ka sa babaeng yan!" sabay turo ko sa babae. Napansin kong napapaiyak na ang kadate nito. "Fvck! Ni hindi nga kita kilala miss! What the fvck are you talking about?!" naiinis na ito sakin. "Akala ko ba mahal mo ko! Pa'no mo nagawa sakin 'to?! Pinagkatiwalaan kita! Sinakripisyo ko ang lahat para sayo!" sabi ko habang nagkukunyaring naiyak. Buti na lang magaling ako umacting. Biglang tumayo ang kadate nito at sinampal ang lalaki. "Break na tayo!" sigaw nito sa lalaki at naiyak na lumabas nang restau. Bigla naman akong hinila ni Carla. At nagtago kami sa sulok na parte ng restau. Napasabunot si Carla sa buhok niya at naiinis na tumingin sakin. "Bakit ganyan ka makatingin?! Dapat nga magpasalamat ka pa sakin eh." "Ang tanga mo bestie! H-hindi siya ang boyfriend ko!" naiinis na sigaw niya. So? ano naman---Ano?! "Ano?! Anong trip 'to bestie?! Tinuro mo siya sakin diba?!" Tinuro niya sakin ang table na katabi nung lalaki kanina. "Siya! Siya ang boyfriend ko! Naduduling kana yata!" Feeling ko pinagbagsakan ako nang langit at lupa! Ang tanga ko nga! Nasira ko ang relasyon nang walang kamalay malay na magjowang yun! Ang tanga ko! Nahintakutan ako nang lumapit sakin yung lalaki kanina. Masamang masama ang tingin nito sakin. Para bang gusto na ko nitong patayin. Nakatingin din lahat sa amin yung mga tao sa restaurant. "Hilingin mo na hindi na ulit tayo magkita, dahil pag nagkita ulit tayo, sisiguraduhin kong magdudusa ka." malamig na sabi nito at tumalikod na. Feeling ko nakahinga ako ng maluwag dahil do'n. Pero humarap muli ito sa akin nang may masamang tingin. "Remember my name miss, Shark. Damon. Ferrer." sabi nito na may diin at nakakatakot na tono.