"Ano ka ba namang bata ka? Maloloka ako sa'yo, hindi kita keri!"
Napatungo na lang ako habang payuloy akong sinesermunan ni Mami. Sabi ni Carla may sakit daw siya, bakit nakakapanermon pa siya ng matindi?
"Mami naman, 'wag ka ng magalit." Tumayo ako at lumapit sa kaniya para lambingin siya. Naiintindihan ko naman kung bakit galit na galit siya sa'kin eh.
"Jam naman, sayang kasi 'yon eh. Sa magandang school ka nag-aaral, sigurado na ang kinabukasan mo ro'n," sabi niya saka napahilot sa sentido niya.
Seryoso na ang boses niya at wala ng halong kabaklaan kaya mas lalo akong kinabahan. Bilang na bilang ko sa mga daliri ko kung ilang beses na galit sa 'kin si Mami. Lagi lang siyang masaya at chill sa buhay kahit hindi naman kami mayaman. Kaya ayoko talaga na nakikitang ganito siya, halat
