✿♡ TATE DE LUNA ♡✿
BREAK TIME na at excited akong lumabas sa university para ma-meet si Lily. Birthday niya ngayon kaya dala ko ang pink na teddy bear na ibibigay ko dapat kay Frida. Hindi naman ‘yon kalakihan kaya nagkasya sa loob ng tote bag ko. Iyon nga lang ay bulky na tingnan habang sukbit ko ito.
Pagdating ko sa main gate, hindi pa man ako nakakatawid doon sa puwesto ng siomai rice ay natanaw ko na agad si Lily na kumakain. Masaya ang mukha niya at halos hindi magkandatuto sa pagsubo.
Noong makatawid ako at tuluyang makalapit sa tabi niya, agad siyang nag-angat ng tingin sa akin.
“Ate Tate!” Ang lapad ng ngiti niya. “Kain na tayo! Ang sarap nitong kalamares!”
Tama. Hindi siomai rice ang kinakain niya kun’di kalamares. Doon ‘yon nabibili sa katabing cart ng siomai rice. “Bakit ‘
