✿♡ TATE DE LUNA ♡✿
“Ano’ng . . . nasaan tayo?” Naguguluhan kong iginala ang paningin ko sa paligid dahil hindi pamilyar ang lugar na pinagdalhan sa akin ni Prof Xyrus. Hindi ko namalayan na nakarating kami rito dahil nakaidlip ako kanina sa sasakyan niya pag-alis namin sa bahay niya.
Ipinikit ko kanina ang mga mata ko dahil napagod ako sa pag-iyak at gusto kong magpahinga. Pero ngayong nagising ako at lumingon sa labas ng bintana, iba ang lugar na nakikita ko. Nakahinto ang sasakyan niya sa isang hindi kalakihang building. Ang ine-expect ko pa naman ay sa apartment niya ako ihahatid.
“Come on.” Pinagmasdan ko ang kamay niya. Nakatayo na siya sa gilid ko ngayon dahil lumabas siya sa sasakyan at umikot sa side ko. Siya ang nagbukas ng pinto. “I’ll show you something.” May tipid na ngiti
