✿♡ TATE DE LUNA ♡✿
“Tate?” Naglalakad ako sa corridor, papunta sana ako sa labas ng university nang marinig ko ang pagtawag sa ‘kin ni Prof. Xyrus. Nang huminto ako at lingunin siya, nakita kong mabilis ang lakad niya palapit sa ‘kin. “Where are you going?”
Magkaharap na kami. “Sa labas po. Break time. Siguradong hinihintay ako ni Lily ro’n.”
“I’ll go with you.” Saka siya naunang naglakad.
Kunot ang noo ko siyang sinundan hanggang sa maging sabay ang mga paa namin. “Sa labas ka rin kakain?”
“Mm.”
“Sure ka?” paninigurado ko.
Hindi na niya ako sinagot dahil nakalabas na kami sa main gate. Inabot niya agad ang isang kamay ko at inakay ako patawid sa kalsada para makalipat kami sa kabila.
Palapit pa lang kami nang makita ko si Lily na nakatanaw sa akin at bahagya pa siyang napatalon—m
