HINDI maiwasan ni Dean na mapaisip habang nagmamaneho siya ng kaniyang kotse. Kakaalis niya pa lang sa Dealership Corporation ng mga sandaling ‘yun at ngayon ay patungo na siya sa bahay ng kaniyang Tita Hannah. Pero bago ‘yun ay balak niya munang dumaan sa bakaery shop ng kaniyang kaibigan na si Diego.
Balak niya kasing bumili ng mga pastries na pwede niyang maibigay bilang pasalubong sa kaniyang Tita… on the way lang din naman ang bakery shop kaya ‘yun muna ang una niyang pupuntahan.
Habang tahimik lang siyang nagmamaneho ay nagsisimula na siyang mag isip kung ano ang maganda niyang sasabihin sa matandang babae. Sumasang-ayon kasi siya sa sinabi ng kaniyang Tito Michael sa kaniya kanina… tama lang talaga na ‘wag niya nang ipaalam pa sa kaniyang Tita ang lahat nang napag usapan nil
