REIN’s POV
Mga bandang alas-sais na ng hapon nang makarating na ako dito sa bahay ko. Pagkarating ko ay inaasahan ko na maabutan ko si Vein sa may sala pero hindi ko siya naabutan doon kaya naman nang tinanong ko si Manang ay doon ko pa lang nalaman na nasa kwarto pala siya at nagpapahinga.
“Uminom po ba siya ng gamot bago matulog?” Tanong ko kay Manang.
“Oo. Nagpa akyat pa kasi siya ng tubig sa taas eh.” Sagot niya sa akin. Tumango na lang ako bilang tugon saka nagpasalamat. Pagkatapos noon ay inabot ko sa kaniya ‘yung dala kong paper bag na may lamang tinapay.
“Ito Manang, baka gusto niyo po nang tinapay… kumain na lang po kayo diyan,” magalang na saad ko sa kaniya.
“Salamat hija.” Saad niya at saka niya tinanggap ‘yung paper bag. “Magluluto na ako ng dinner para sa iny
