Chapter 8.2: School
“T-teka, ayaw ko din pumasok." Hindi niya na narinig pa ang sinabi ko at lumapit na siya at kinausap ang guard.
Binalak kong umalis na at hayaan siya. Hindi na lang din ako magpapaalam sa kaniya. Hindi ako handa ngayon na pumasok.
Ngunit, bago ko pa man gawin ang aking binabalak ay hinila na ako ni Ian at hinarap sa mga guard.
“Naka-uniform naman po siya."
“Sige, pero sa susunod kailangan may I.D ka na. Pasok na!"
Binuksan ng guard ang gate at masayang pumasok si Ian habang kinakaladkad ako. Gusto kong magmakaawa sa kaniya. Ayaw ko talagang pumasok.
“B-bukas pa ako papasok. T-teka, ayaw ko –"
“Hayaan mo, ihahatid kita sa magiging classroom mo. Malayo pa ang building namin at siguradong hindi ko na nga maabutan pa ang isang subject ko. Sana sinabi mo sa akin
