MADILIM ang anyo ni Ross nang makarating sa palapag na kinaroroonan ng law firm. Kanina ay matagal siyang tila ipinako lamang sa kinatatayuan habang mukhang tanga na nakasunod sa papalayong pigura ni Bianca hanggang mawala ito nang tuluyan sa kanyang paningin. He felt as if he was caught in a time warp, with everything around him distorted, except for her.
Para pa ring nag-e-echo sa isip ni Ross ang mga sinabi ni Bianca. She said she was already taken. Hindi niya inakala na ganoon katindi ang magiging epekto sa kanya ng nalaman. Parang may bombang sumabog sa kanyang mukha. Para siyang pinagtulungang bugbugin ng isang dosenang boksingero. Ganoon ang sakit na naramdaman niya. He felt dizzy.
Huli na nang mapansin ni Ross ang babaeng nakakapit sa kanya. Para kasi siyang nabingi at hindi naw
