NAGULAT si Art nang kumabog ang dibdib niya sa ginawa nito. Napatitig siya sa mukha ni Charlene at hindi nagawang kumilos kahit pa humakbang na ito palayo sa kaniya. Napakurap pa siya nang magtama ang mga mata nila at bumakas ang pagtataka sa mukha nito. “May problema ba?”
Tumikhim siya. “Nothing. I’ll go ahead.” Saka ako tumalikod at lumayo sa kusina. Hanggang makarating siya sa garden ay hindi pa rin niya malaman kung para saan ang pagkislot ng puso niya dahil sa inosenteng haplos ni Charlene sa kaniya.
Pagkabukas ni Art sa French door patungo sa garden ay sinalubong siya ng nakakangikig sa lamig na simoy ng hangin. Kumilos siya patungo sa bakal na lamesa na may tatlong bakal ding mga upuan. Pumuwesto siya sa isa, ipinatong ang mga saklay sa isa pa, saka huminga ng malalim. Himbis na
