“I’M sorry. I’m so sorry. Pero hindi ko ito kaya, Art. Hindi ito ang inaasahan kong mangyari nang pumayag akong magpakasal sa iyo. Hindi ko kayang –” Hindi natapos ni Mylene ang sasabihin at humikbi lang ng humikbi. Nakaupo siya sa silya sa tabi ng hospital bed ni Art. Ang tanging bakas lamang ng car accident ay mga pasa sa braso at maliit na benda sa bandang noo.
Isang bahagi ni Art ang masaya na walang nangyaring masama kay Mylene. Na nagawa niya itong protektahan. Pero sa mga sandaling iyon ay mas namamayani ang pait at sakit na nararamdaman niya. Dahil ngayong hindi siya makakilos, bedridden at namamaga ang mukha sa sugat na inabot niyon dahil sa nabasag na salamin ng kotse niya ay humihingi ito ng tawad sa kaniya. Because she cannot stay with him now that he’s broken. Ngayong hindi n
