Abala siyang nag-aayos ng mga sertipiko ni Megumi sa loob ng kuwarto nito. Nakangiti niyang hinawakan ang sertipikong nasa picture frame na.
Gumuhit ang kaunting kirot sa kaniyang puso. Kaniyang naisip ang kaniyang anak. Hindi man lang nagkaroon ng pagkakataon ang anak niya na may matawag na ama noong unang pagkakataon na bumigkas ito ng salita.
"Mommy, alam mo po ba, ang sabi ng mga classmate ko ay smart daw ako! Ang sabi ko naman sa kanila, I am smart because I inherited it from you."
Inayos niya ang buhok ng anak niya. Hinalikan niya ang pisngi nito. Binuhat niya ang kaniyang anak at pinahiga niya ito sa kama.
"Hindi naman matalino ang mommy mo. Walang pinag-aralan si mommy mo, Megumi. Naging matalino lang ako noong pinili kitang buhayin," sabi niya sa bata.
"Mommy, hindi ba ako
