NAGISING AKO sabay ngiwi, ramdam ko iyong sakit sa may sikmura ko. Nang inilibot ko ang tingin, pansin kong nasa ospital ako. Sa tabi ko ay ang tulog na si Delilah. Saka ko naalala ang nangyari kagabi. Damn! At pumatak ang mga luha mula sa aking mga mata.
Nandidiri ako sa sarili. Gusto kong tumayo at tunguhin ang banyo para maligo. Naalala ko ang kahayupang ginawa nang matandang DOM sa aking katawan. Gusto kong masuka. Tahimik na lumuluha lang ako. Awang-awa ako sa sarili.
Pero hindi iyon ang magiging daan para itigil ko ang pagtatrabaho sa club. Naka-focus ako sa goal na nais kong maabot. Ang makapagtapos ng pag-aaral. Iyon ang palaging isiniksik ko sa aking isipan.
Pinunasan ko ang ilang mga luha mula sa aking mga mata. I need to be strong, lalo na at nag-iisa na lang ako sa buhay. D
