Drakos POV
“Ahkkk!” Napaigik ako ng isang suntok ang sumalubong sa akin ng buksan ko ang pintuan ng aming bahay.
Halos bumalandra ako sa dahon ng pinto dahil hindi ko inaasahan na isang suntok ang matatanggap ko mula sa aking ama.
Sa pag-angat ng aking tingin ay bumungad ang galit na mukha ni Papa para itong isang leon na anumang oras ay susunggaban ako.
“Wala ka ng ginawa kung hindi ang dumihan ang pangalan ko! Binalaan na kita Drakos! Ngayon din ay aalis tayo ng bansa sasama ka sa ayaw at sa gusto mo kung ayaw mong dito pa lang ay isa na sa atin ang paglamayan!” Ang nanggigigil nitong wika na halos namumula na ang buong mukha nito dahil sa matinding galit.
“Hindi ako aalis dito hanggat hindi nakukulong sina Brixton!” Ang matigas kong sabi ngunit isa na namang suntok ang pinadapo n
