"Last mo na iyan," galit kong sabi kay Greg saka siya binitiwan sa pagkasakal.
Sinamaan ko siya ng tingin at iniwan siya sa cr. Kinuha ko na agad ang camera na ibibigay ko sa may-ari na si Thea at sinabit sa aking leeg. Lumabas ako ng kuwarto na nakasunod lang si Greg. Minamasahe niya ang kanyang leeg na namumula. Hindi ko siya nilingon kahit narinig ko ang pagsara ng pinto ng kanyang kuwarto.
Wala akong imik sa pagbaba namin ni Greg. Naroon parin ang inis ko sa sinabi niya para sa sarili ko. Hindi sa kanya sapagkat nagustuhan ko ang kanyang sinabi. Kahit ba pabiro niya iyong inilabas. Tumabi sa akin si Greg at ikinabit ang kanyang kamay sa balikat ko sa paglalakad namin sa hagdan. Ngunit inalis ko hindi lang dahil sa nakakairita kundi nadin sa daddy niyang nakaupo sa sala na nagbabasa
