Napalunok si Dean nang sa wakas ay tumigil sa tapat ng isang mukhang mamahaling bar ang kotse niya. Ito ang Midnight Tavern na sinasabi ni Suzane at siyang pinagtatrabahuan ni Joanna.
Binalaan na siya ng dating kaklase na kung ayaw niyang masaktan ay huwag na siyang pumunta pa rito. Pero gusto ni Dean na siya mismo ang makasaksi sa mga sinasabi ni Suzane. Ayaw niyang maniwala, lalo na ang puso niya, hangga't hindi nakikita ang totoo.
Ilang sandali pa'y bumaba na ng kotse si Dean. Kaagad siyang sinalubong ng valet, at in-assist siya papasok ng bar. Sa dami ng magagarang sasakyan na nakaparada sa parking lot, obvious na pangmayaman nga ang Midnight Tavern. Hindi ito nalalayo sa mga bar na madalas niyang puntahan sa Maynila. Pero bungad pa lang, may kakaiba ng naramdaman si Dean. Parang h
