"Anak, ngayong nandito na kami ng Tatay mo ay baka maaring sabihin mo na ang nangyari. Bakit ba umabot sa puntong suspended ka sa university? Aside from being expelled, nandito ka rin sa kulungan. Hindi ka naman basagulero sa pagkakaalam ko," ani Mariz Kaye sa panganay na anak.
Subalit nanatili itong nakatingin sa kawalan. Mabuti na lamang at napakiusapan daw ng biyanan niyang maging solo ito sa selda. Dahil ang hepe ng kapulisan ay kilala nito. Kaya naman ay malaya silang nakapasok hanggang sa loob. Kaso mukhang wala silang mapapala. Bukod sa tahimik ito ay nakatanaw pa sa dingding na wari ay nandoon ang kausap.
"Anak, please naman. Magsalita ka. Sabihin mo kung ano ang puno at dulo ng lahat upang matulungan ka namin ng Nanay mo. Kahit ano pa ang mangyari ay ikaw at ikaw pa rin ang amin
