Pagkalabas niya sa banyo ay naka-upo na rin si Gael sa kama. Nagtagpo ang mata nilang dalawa ngunit unang nag-iwas ng tingin si Kendric sa kanya. Pagkatapos ay pumasok na siya sa closet kung nasaan ang mga damit niya at nagbihis. Pagkalabas niya ay nasa kanya na naman ang tingin ni Gael.
“B-Bakit ganyan ka makatingin?” Hindi mapalagay na tanong ni Kendric sa kanya. Kinakabahan din siya na baka mahalata nito na kasinungalingan lang ang lahat ng sinabi nito sa kanya. Hangang makaupo siya sa gilid ng kama ay nasa kanya pa rin ang mata ni Gael.
“Wala lang, maraming gumugulo sa isip ko. Sabi mo wala na akong mga magulang. Tapos nagkakilala tayo noon sa Pilipinas pa tayo nakatira diba?”
Umayos ng upo si Kendric. Bago muling humarap sa kanya.
“Bakit mo natanong ulit?” Kinakabahan na tanong
