“Okay ka na ba? Gusto mo na bang magtanong? Handa na akong makinig, anak.”
Nakayakap pa rin si nanay Let nang mga oras na iyon sa kaniyang anak na si Duke. Hindi nga niya mabilang kung ilang minuto na ba ang nakalipas buhat nang mag-iyakan silang dalawa ng ina. Nakailang beses na rin niyang narinig mula sa anak ang salitang sorry. Tahimik lang din namang nakayakap si nanay Let kanina habang humahagulgol ang anak sa mga bisig niya.
“Hindi pa ba ready?” pabirong sabi nito kay Duke.
Kumalas naman sa pagkakayakap si Duke sa ina at inangat ang mukhang mugtong-mugto na. Pinapahiran naman ni nanay Let ang mukha ng anak at hinalikan ito sa noo. Napayakap na naman ang anak sa ginawa ng ina. Pero saglit lang iyon. Itinuon na lamang ni Duke ang mga mata sa karagatan. Pansamantalang katahimikan
