Chapter 29
Nakaupo lang si Lia sa tapat ng gate habang nakapangalumbaba.
"Ma'am dito niyo na po kaya hintayin sa loob si Sir Gino?" tawag sa kanya ng guard na si Mang Ben.
"Hindi na po dito na lang ako." sagot niya kaya bumalik na ito sa loob ng guard house.
Kalalabas lang niya galing practicum at hinihintay niyang dumating si Gino. Magsosorry na siya. Pinag-isipan niya iyon twenty four hours! Ewan ba niya simula noong magkasabay silang kumain ng dinner may nag-iba, kinaumagahan kasi wala ng Linda na bumuntot sa kanya. Pinabalik na ito sa kung saan talaga nakaduty sa bahay.
Kaya pakiramdam niya tinanggal na ni Gino ang parusa sa kanya. Tapos kaninang umaga noong papasok siya ng school hindi pa rin siya nito inihatid at magkaibang kotse pa rin sila pero sinabihan siya nito ng ingat. Na
