"Si Lia?" tanong ni Gino kay Linda na isa sa kasambahay niya saka niya iniabot ang mga gamit dito.
Mag-aalas siyete na ng gabi at kagagaling lang ng binata sa opisina.
"Nasa kwarto po niya."
Awtomatiko na ang mata at bibig niya na kung wala si Lia sa paligid hinahanap niya. Sabagay kahit naman noong mga bata pa sila. Mawala lang ito saglit sa paningin niya parang may kulang.
"Kumain na?" tanong niya habang paakyat ng hagdan.
"Eh, hindi pa ho Sir parang may ginagawa, eh."
Tumango lang siya.
"Pakipasok mo na ‘yan baka matunaw." tukoy niya doon sa isang plastic bag na may lamang isang gallon na ice cream.
May kliyente kasi siyang nakameeting sa labas. Naalala niya kaagad si Lia nang makita ang flavor na iyon na dessert nila kaninang lunch kaya bumili siya. Kumatok na siya sa kwartong
