"Ang gwapo talaga ni Sir Gino ano manang?" napatigil si Lia sa paghakbang papasok ng kitchen nang marinig niya ang usapang iyon.
Kukuha sana siya ng tubig pero dahil narinig niya sa usapan ng mga kasambahay ang pangalan ni Gino napilitan tuloy siyang magkubli sa pader malapit sa pintuan.
"Naku itigil-tigil mo nga iyang pagpapantasiya mo kay Sir at baka may makarinig sa iyo, nakakahiya!" suway dito ni Manang Lucilla.
Si manang lang ang kilala niya sa mga kasambahay ni Gino dahil matagal na itong katiwala ng pamilya ni Gino. Head cook rin ito.
"Wala namang masamang mangarap manang. Ano namang malay natin kung mapansin niya rin ako?" anang hitad habang abala sa pagluluto ng kung ano sa frying pan.
Hindi niya alam pero biglang umakyat ang dugo niya sa ulo. Pinagpapantasiyahan ng atribidan
