Chapter 21
"Jane," tawag ni Lia sa kaibigan mula sa pagkakadukmo niya sa lamesa ng cafeteria sa school.
"Ano?" hindi lumilingong tanong nito habang nakatutok ang mga mata sa tablet nito.
Bumuntong hininga siya saka niya inilagay ang mga palad niya sa magkabilang pisngi niya. Kapoy na kapoy siya ngayon dahil napuyat siya sa pakikipag-giyera kagabi kay Gino sa swimming pool.
"Saan ba nanggaling ang love? Ano ‘yong pag-ibig?"
Napalingon ito bigla sa kanya saka nito ibinaba sa lamesa ang tablet nito.
"Nakainom ka ba? Bakit tinatanong mo ko ng ganyan ngayon? Ah, siguro may lagnat ka!" takang anito saka sinalat pa ang noo at leeg niya.
"Jane naman, eh! Wala akong inom at lalong hindi ako lagnat! Sagutin mo na lang kaya!" iritableng sagot niya at pinalis ang kamay nito.
"O sige na, sige
