Napabangon si Lia pamula sa pagkakahiga niya sa loob ng tent nang biglang tumahimik. Umalis na ba ang unggoy? Pasimple niyang ibinaba ang zipper ng tent at tiningnan kung nandoon pa si Gino sa labas. Aba`t talagang iniwanan nga siya? Sinasabi na nga ba niya at magsasawa rin ito. Kung sabagay doon naman talaga ito magaling, eh. Ang mang-iwan! Pero kahit gano’n parang hindi pa rin siya sanay?
Hays. Oo na. Nagtatampo talaga siya dito. Kasi naman, eh, bakit ba palagi na lang siya ang napapansin nitong mali? Sinusuhulan pa siya ng ice cream at balloons! Ano’ng akala nito sa kanya uto-uto?
Hindi sinasadyang napagawi ang tingin niya sa puno ng Narra. Napakalaki nito at isinayaw-sayaw pa ng hangin ang mga malalabay na dahon nito. Ewan ba niya pero bigla siyang kinilabutan nang maalala ang sinab
