Buong araw iniisip ko kung saan ako kukuha ng pera pang-opera kay Tatay Jerry, gayong babalik si Nanay Esme sa Mansyon kinabukasan.
Kung puwede lang pulutin ang pera sa daan, madali sana pero kailangan kong mabalat pa ng buto bago ko makuha ang pang-opera.
Wala namang masiyadong nangyari sa umaga na iyon, tinulungan ko lang si Manang Marites sa mga lulutuin. Pagkatapos naglinis kaming limang katulong habang nag-uusap.
"Ang guwapo talaga ng pamilyang Moonzarte lalo na ang mga anak nila," kinikilig na sabi ni Lucia. Isa sa mga katulong sa Mansyon. Kasalukuyan niyang nililinis ang picture frame sa lamesa. Magka-edad lang kami.
"Huwag mo ngang pagnanasaan ang anak ni Madame Rebecca at Don Florencio. Isang hamak na katulong ka lang, aba?!" sita naman ni Linda. Magkasing edad lang sila ni Ma
