(NAYA)
SA hapunan ay pareho kaming walang imik ni Eric. Nang maubos ko ang nasa pinggan ko ay nagpaalam na akong magpapahinga. Hindi ko na siya hinintay na sumagot. Alam ko naman na hindi niya ako kikibuin.
Siguro ay lalo siyang nagalit sa akin nang sumbatan ko siya kanina. Wala siyang anomang tugon sa mga sinabi ko. He just walked out on me. Hindi ko alam kung saan siya nagpunta paglabas sa kwarto namin dahil hindi na ako bumaba ulit. Lumabas na lang ako nang katukin ni Poleng para sa hapunan.
Binasa ko ang text message ni Ninong na nagsasabing nasa Davao na ito. Nagreply muna ako sa kaniya bago pumasok sa closet at nagbihis ng pantulog. Nagulat ako paglabas dahil nasa kwarto si Eric. Nagkatinginan kami pero ako ang unang nagbawi.
“Naka-enrol ka na ngayong sem. Ipinaasikaso ko kay
