Sa kabilang banda ay panay ang malakas at hindi maputol na atungal ni Chanel, hindi niya matanggap ang balitang kanyang natanggap pagkatapos ng kanyang shooting. Tinawagan siya ni Hughes na nag-iisang kapatid ng kanyang fiancee. Ibinalita nito na nagkaroon ng aberya sa pagtalon nito at aksidente. Habang patungo sa lugar ay nagsimula ng tumulo ang kanyang mga luha, patuloy na naninikip ang kanyang dibdib. Malinaw pa sa kanyang isipan ang mainit na mga sandali na kanilang painagsaluhan.
“Imposible ito, hindi ito totoo!” paulit-ulit na sambit niya habang patuloy na bumabagsak ang kanyang luha, “Nagbibiro lang sila, imposible siyang mawala pagkatapos na lamunin nang biglaan na buhawi.”
“Ma’am...” nag-aalalang tinig ng kanyang assistant, “Kalma lang po, baka naman natagpuan na siya.”
