Episode 12
TRUTH REVEALED
Kendra
Halos itulak ako ni Aida sa elevator nang makarating kami sa isang napakagandang hotel sa Makati. Nakanganga ako habang nakatingin sa kisame na puno ng ilaw.
“Isara mo ang bibig mo at baka mahalata na hindi tayo rich.” Aniya at sa ka inayos ang scarf sa leeg niya.
Sumunod naman ako sa sinabi niya.
“Huwag mo akong iwanan. Samahan mo ako doon sa itaas.” Napahawak ako sa braso niya nang mahigpit.
“Hindi pwede. Ikaw lang doon. Dito lang ako sa lobby. Hihintayin kita. Kapag hinipuan ka, ibukaka mo pa ha.”
“Bwisit ka!” Nabatukan ko siya nang wala sa oras at tatawa-tawa naman siya.
“Huwag ka kasing matakot. Unang ibibitay si Kapitan kapag napahamak ka. Sa iyo, puri lang ang mawawala, sa kanya buhay. Papatayin namin siya nina Fe at Lorna kapag napaha
