Episode 11
BLIND DATE
Kendra
“Bakla! Bakla! Diyos ko bakla! Magbihis ka, bakla!” Tumatakbong tili ni Aida at walang paalam akong hinila papasok ng bahay.
Bakla nang bakla eh babae naman ako. Wala akong lawit at mas lalong wala akong itlog.
“Hoy ‘yong iniihaw ko! Ano ba? Ano bang meron? Mga bwisit talaga kayong tatlo!” Naiinis at nalilitong litanya ko.
“Kami na ang bahala sa ihaw-ihaw, tuhog-tuhog mo.” Sabi naman ni Lorna.
Iyon na si Fe ang pumalit sa pwesto ko sa harap ng BBQ stall habang hila naman ako ni Aida. Bitbit niya ang isang bag at isang pares ng takong. Ang walang hiya, gagawin na naman yata akong manika. Walang kadala-dala na nangamatis kami sa pageant.
Tatlong araw na ang nakalipas simula nang matalo ako sa pageant at nakapag-move on na ako. Ganoon naman dapat, ‘yon
