Lailani
"Pagbalik namin ihanda niyo na ang sarili niyo dahil hindi lang katawan niyo ang mahihirapan pati na rin ang inyong isipan" bilin ni Jasmine bago umalis sa aming harapan kasama ang lalaki nito. Naiwan si Manong Aldrin nakabantay sa amin.
Nakatali na rin ang kamay ni Eli pero walang busal ang bibig pareho kaming dalawa.
Lumapit ako sa kaniya. Relax na relax kasi ito, ano kaya ang iniisip ng lalaking 'to? Pumunta man lang dito na walang bala na dala.
"Hoy! Ano bang ginagawa mo dito?" mahina lang ang boses ko. Nakabantay kasi sa amin si Manong Aldrin.
"Nililigtas ka." kampante na sagot niya.
"Paano mo pa 'ko maililigtas? Pareho na tayong bihag dito? Ewan ko sa 'yo!" naiinis na umirap ako sa kaniya.
"Pupunta ba ako rito na walang bala na dala? Sa tingin mo ba ganun ako katanga?
