"Anong oras ka pala babalik dito bukas?" tanong ni Angela kay Valentina.
May isang araw na day off si Valentina upang umuwi sa kanila ngayon. Kaya naman kagabi pa lang ay inihanda na niya ang kaniyang gamit upang bumisita sa kanilang bahay. Miss na miss na rin niya ang mama niya at ang mga kapatid niya. Kaya naman bago siya pumunta doon ay bibili muna siya ng pasalubong sa mga ito.
"Bukas ng tanghali. Bakit?" sambit ni Valentina.
Nagkibit balikat si Angela. "Wala lang. Tinatanong ko lang. Syempre alam mo na... mami-miss kita kaagad," natatawang sabi niya.
Natawa na rin si Valentina. "Hay naku, Angela inuuto mo pa ako. Sa susunod na linggo, ikaw naman ang may day off. Kaya huwag ka ng malungkot pa diyan."
Ngumisi naman si Angela. "Oo nga eh at excited na ako dahil makikipagkita ako sa
