Tulala at hindi magawang makapagsalita ni Valentina habang nakatingin kay Simon. Gulat na gulat siya nang makita ito. Nakaramdam siya bigla ng nerbyos dahil sa matalim na tingin sa kaniya ng guwapong biyudo.
Anong ginagawa ng lalaking 'to dito?
"Hinaharot ka ba ng lalaking iyon? Papansin ba sa iyo 'yon? Sino ba siya?" sunod na sunod na tanong ni Simon.
Napaawang ang bibig ni Valentina at hindi alam kung ano ang isasagot sa sunod-sunod na tanong ni Simon sa kaniya. Matalim ang mga mata nitong nakatitig sa kanya na para bang lalapain na siya ng buhay. Ang nerbyos na nararamdaman niya ay mas lalong lumala dahil sa tingin ni Simon at naiisip niya na parang may malaki siyang kasalanang nagawa.
"T-Teka lang po sir Simon.... bakit po parang galit na galit kayo diyan? Kaibigan ko lang po 'yon
