Hindi magawang tingnan ni Valentina si Simon nang makauwi sila. Para siyang napapaso sa mainit na tingin ng biyudong guwapong ito. At pakiramdam niya pa ay tumatagos sa loob niya ang titig ni Simon kaya naman nakayuko lamang siya at paiwas-iwas ng tingin. Malikot ang kaniyang mga mata upang hindi magtama ang paningin nilang dalawa.
"Ate Valen! Help mo po ulit ako sa assignments ko. Doon po ulit tayo sa kuwarto..." malambing na sambit ni Jamaica sabay hawak sa kamay ni Valentina.
Napatingin si Valentina kay Simon sabay lunok ng laway. Hindi niya alam kung bigla bang may nagbago sa tingin ni Simon sa kaniya o ano. Dahil noong bago pa lang siyang kasambahay nito, tila wala namang epekto sa kaniya ang tingin ni Simon. Pero ngayon, mayroon na.
"Sige na.... pakituruan na lang si Jamaica. Mas
