Mabilis na natutunan ni Valentina ang gawain sa sakahang iyon. Kahit papaano, nalilibang siya sa kaniyang ginagawa. Medyo mahirap pa sa kaniya ang kaniyang trabaho dahil ngayon lang siya nagsaka sa isang malaking lupain. Ngunit iniisip na lamang niya na para sa kaniyang pamilya ang kaniyang ginagawa.
"Pamangkin, ayos ka lang ba?" tanong ni Ester nang lapitan niya si Valentina.
"Ayos lang naman po, tita. Bakit niyo po naitanong?" sambit naman ng dalaga.
Tumikim si Ester. "Kagabi kasi akala ko kung ano nang nangyari sa iyo. Nagsasalita ka habang tulog. Binabanggit mo ang pangalan ng isang lalaki. Simon.....'yon ang sinasabi mo habang tulog ka."
Namilog naman ang mga mata ni Valentina. "P- Po? Ano po ang sinasabi ko bukod sa pagbanggit ko sa pangalan niya?"
"Wala ka ng ibang sinasabi. Ba
