"S- Sigurado po ba kayong magsasaka ang gusto niyang maging trabaho?" tanong ni Aaron kay Ester ngunit ang mga mata niya ay nakatuon lamang kay Valentina.
Ni hindi man lang siya kumukurap habang nakatingin sa dalaga. Ngayon lang kasi talaga siya nakakita ng isang babae na simple lang ang ayos ngunit napakaganda. Sa kanila kasing lugar, ang mga babaeng nagkakandarapa sa kanya ay todo lagay ng kung ano- anong kolorete sa mukha para lang maging maganda. Para lang magpapansin kay Aaron. Na halos hindi na nga makilala kapag wala ito kolorete. Sobrang iikli ng ng mga suot nito at halos makita na ang kaluluwa mapansin lamang ni Aaron. Ngunit hindi naman iyon ang gusto ni Aaron sa isang babae. Ayaw niya ng masyadong makolorete sa mukha. Gusto niya ang simple lang dahil hindi naman niya hanap ang
