"Wow! Parang napakaguwapo mo yata ngayon, pinsan? Ano ang mayroon? Ngayon lang kita nakitang nagpaguwapo ng ganiyan. Madalas kasi na simple lang ang porma mo at hindi ka tumitingin ng matagal sa salamin. Huwag mong sabihin na nagpapaguwapo ka kay Valentin? Ayie! Na- in love na ngang talaga ang pinsan kong pogi!" mapang asar na sambit ni Danzel kay Aaron.
Matalim siyang tinitigan ni Aaron. "Bakit ka ba palaging nang- aasar? No'ng nagpapakasaya ka sa mga babae mo, hindi naman kita pinakikialaman! Pero nakikialam ka sa akin at panay pa ang asar mo!"
Humagalpak ng tawa si Danzel. "Ang sungit mo naman, pogi! Hindi ba pwedeng masaya lang talaga ako kasi sa wakas, may babae ka ng natipuhan? At saka hindi naman kita pinakikialaman, ha? Inaasar lang kita! Huwag ka ng magalit! Mababawasan pa ang
