"Ano na ang balita? Kumikilos ka na ba o para ka na namang tanga na nakatanaw sa malayo?" nakangising tanong ni Danzel sa kaniyang pinsan.
Nasapo ni Aaron ang kaniyang noo. "Hindi ko alam. Pero sumisimple naman ako. Pero hindi ko lang alam kung tama ba ang ginagawa ko. Kahapon nga, sinabi niya sa akin na ang guwapo ko raw. Hindi ko napigilang kiligin. Ganoon pala ang pakiramdam kapag kinikilig? Para kang mapapasigaw sa tuwa? Iyong tipong hindi mo mapigilang ngumiti?"
Humagalpak ng tawa si Danzel. "Tangina mo, Aaron! Natatawa ako sa iyong hayop ka!" pulang- pula na ang mukha ni Danzel katatawa.
Umarko ang kilay ni Aaron. "Bakit ka ba natatawa eh totoo naman ang sinasabi ko? At isa pa, ngayon ko lang talaga naranasan ang ganitong pakiramdam. Iyong kiligin. Napa- search pa nga ako kagabi."
