Nakatulala si Valentina habang pinagmamasdan ang mga bituin sa kalangitan. Gabi na ngunit hindi pa rin siya dinadalaw ng antok. Naiisip niya kasi si Simon. Pati na si Jamaica. Naninikip ang dibdib niya sa tuwing maiisip niya na hinahanap siya ni Jamaica. At alam niyang masama ang loob sa kaniya ng batang iyon lalo pa't umalis siya ng walang paalam.
Mahal na niya si Jamaica. At pakiramdam niya nga minsan, anak niya ito. Ang gaan ng pakiramdam niya kapag nakakausap o nakikipaglaro siya sa batang iyon. Ngunit wala siyang magagawa lalo pa't hindi siya ang pinili ni Simon.
"Gabi na. Bakit nandito ka pa sa labas?"
"Ay p uke ng kabayo!" malakas na sigaw ni Valentina dahil sa gulat.
Natawa naman si Aaron sa sinabing iyon ng dalaga. "Ano? Ang bastos mo naman!"
Napangiwi si Valentina sabay kamo
