"Lhian, papasukin ko lang sina Ben at Clyde para kumain." Mabilis na lumabas ng bahay si Leo.
Nagulat ang dalawang dalaga sa sinabi ni Leo. Para itong bulang bigla na lang naglaho sa harap nila. Pabalik na ito sa loob ng bahay nang malingunan nila. Nakaakbay si Ben at 'yong Clyde naman ay nakasunod sa likod ng mga ito.
"Kain tayo!" pag-anyaya ni Leo sa mga bisita.
Inis na inis si Lhian kay Leo. Naiinis pa rin siya sa dalawang lalaki na 'to.
"Ahmm, Leo, I'm so tired! Can I sleep?" si Ben ang nagtanong at naghahanap ng mahihigaan. "I'm still full anyway."
"Su-sure! No problem!" mabilis na sagot ni Leo. Hinila nito ang banig na nakasandig at inayos sa lapag. Binigyan din nito ng unan si Ben.
"I'm sorry. I need to sleep," ani Ben na sobrang antok na rin. Pilit pang ngumiti si Ben kay
