ALDEN:
PARA akong nalulutang sa kalawakan habang nakikinig kay Mommy Lirah kung paano nawala sa kanila si Andrea. Ang kakambal ni Larah!
Nagkaroon ng sunog sa nursery room ng mga new born babies noon sa hospital kung saan nanganak si Mommy Lira sa kambal. Sa bilis ng mga pangyayari ay si Larah lang ang nakuha ng mga nurse na sumagip sa mga babies habang si Daddy Adrian ay kinalong ang asawa na inilabas ng hospital!
Nanghihina pa noon si Mommy Lira kaya hindi makakilos. Pero para silang pinagsakluban ng langit na malamang isa lang sa kambal ang nailigtas at napasali ang kakambal ni Larah na si Andrea sa iba pang babies na nasunog sa loob ng nursery room.
Walang ibang nakakaalam na may kakambal si Larah kundi tanging ang mga kalapit lang nilang kaibigan. Kasama si Mommy Dianne at Daddy
