ALDEN:
LUMIPAS ang mga araw ay napapansin ko ang malaking pagbabago sa kinikilos ni Larah. Naiisip ko tuloy na baka nagdadalangtao na ito kaya may mga pagbabago sa kilos. Nakakatawa mang isipin pero pakiramdam ko kasi. . . ibang tao ang kasama ko.
Matapos naming maipaalam sa pamilya nito ang plano naming pagpapakasal sa susunod na buwan at ang pagkuha na namin ng papel bago ako nagtungo ng Canada ay magkasama kaming bumalik ni Larah ng kumpanya.
Muling nagsama kung saan nasa opisina kami at ito ang secretary ko. Pero minsanan na lang kung maglambing ito. Kailangan ko pang magtampo para lambingin niya ako.
Ramdam ko ang malaking pagbabago niya. Napakalamig niya sa akin. Hindi ko siya maramdaman at maging ang paraan kung paano niya ako titigan. Ni wala akong mabasang kislap at emosyon s
