Chapter 9: Commotion
DAPIT HAPON ay nagdidilig si Loela sa may hardin. Naroon siya hindi lamang upang alagaan ang mga halaman kundi dahil nais niyang umiwas kay Señora Elvira at sa katulong na si Carlota. Hindi niya gustong makipag-usap o makaharap ang mga ito ngayong hapon, lalo na't nais niyang bantayan ang muling pagbabalik ni Azzaro. Kasabay ng kanyang pagdidilig sa mga halaman ay ang pag-aalala niya sa mga posibilidad na maaaring mangyari.
Habang nagdidilig, lumapit siya sa isang rosas na namumukadkad at tila kinakausap ito.
“Alam niyo, batid ko na hindi ako gusto ni Doña Elvira na narito dahil isa na kong ulilalng lubos, pero sana huwag niyo din akong kaayawan. Walang ibang makikinig sa akin, lalo na si Señora Elvira at si Carlota. Ang mga ito ay sobrang mapanghusga at nakaka-frus
