Chapter 8: Dito na siya titira
MULA sa malawak na solar ay ipinarada ng lalaking si Azzaro ang itim na sedan.
“¡Bienvenido de nuevo, hijo!” salubong na yakap ni Doña Elvira sa anak. “Oh, I really miss you.” lumbay na wika nito.
“I miss you too, Mother.” tugon ni Azzaro na hinalikan ang ina sa noo.
“Mabuti at nakauwi ka ng matiwasay. Tinawagan ko si Laura at sinabi niyang kasama mo ang babaeng si Penelope sa bakasyon. Kaya, inaasahan ko na kasama mo siya pabalik rito upang ihayag sa kin ang magandang balita tungkol sa inyong dalawa.” masayang wika ng Doña sa anak, ang kanyang ngiti ay tila nagpapakita ng matinding pag-asa.
Napabuntong-hininga si Azzaro sa kanyang isipan. "Pasensiya na, Mama. Pero hindi ko siya kasama sa pagbalik.”
“What? At bakit naman, hijo? Ano'ng nangyari sa inyong
