عشقتك يا ملكتي

الفصل 13

أحد الجنود بصوت منخفض وسخرية : مينفعش فيرو

فاريهان بغيظ ولكنها أخفته وإبتسمت : لا ما ينفعش... أنا عارفة إن أغلبكم بيقول إزاي مخلين واحدة ست تدربكم.. أنا مش أي واحدة أنا أقدر في ثواني أخلص عليكوا كلكوا علشان كدا كانوا مسميني توركان الملكة في مهنتي السابقة عموماً مش ده موضوعنا

أحد الجنود : مش عارف ليه حاسس إني سمعت الإسم ده قبل كدا بس مش فاكر فين

فاريهان بحزن : أنا توركان وكنت واحده من أكبر تجار الم**رات في مصر

الجندي بصدمة : كنت عارف.. أنا سمعت عنك كتير وأنا بجمع معلومات عن تجار الم**رات وسمعت إن مفيش أقوى منك أو أذكى .. بس إزاي جايبين تاجرة م**رات في الجيش هو تخلف وخلاص

فاريهان : لو سمحت إحترم نفسك وألفاظك أنا كنت تاجرة مش مازلت وأنا كنت مُجبرة على الشغل ده ولما ساعدت الحكومة في القبض على أغلب التجار قرروا يخلوني أدربكم

جاء أحد الظباط الذي كان يدربهم قبل فاريهان وإستمع لحديثهم الأخير

حازم : لو سمحتوا كل واحد يبقى في حاله دي مدربتكم فقط يعني مش رايحين تخطبوها علشان تهتموا بهي كانت إيه وبقت إيه

الجنود : تمام يا فندم

فاريهان بإبتسامة شكر : شكراً يا حازم بس مكنش فيه داعي صدقني

حازم بحب : دا واجبي دول ميعرفوش إنتي مريتي بإيه ولا إنك كنتي مجبورة على الشغل ده المهم بقى أنا ممكن أتف*ج وإنتوا بتتدربوا

فاريهان بثقة : طبعاً إنتَ هتشوف تحول في جنودك مش هتعرفهم صدقني

حازم بإبتسامة : هنشوف

بعد مرور إسبوع وفي أحد الأيام كانت فاريهان تدرب الجنود وحازم يتابع

رن هاتف فاريهان فإبتعدت عنهم قليلاً لترد

فاريهان : الوو

الشخص : وحشاني يا مزة

فاريهان بصدمة : شادي!!!

شادي بخبث : بموت في إسمي من بوقك

فاريهان بغضب : عايز إيه

شادي : عايزك

فاريهان : حتى في أحلامك مستحيل

شادي : هنشوف بس أنا عندي حاجة تخصك

فاريهان بقلق : قصدك إيه

شادي : ليان حبيبة القلب منوراني لحد ما تيجيلي وتنوريني بدالها

فاريهان بصراخ : هقتلك والله هقتلك لو لمست شعره منها

شادي بضحكة قذرة زيه : هبعتلك عنوان تيجي لوحدك لو عايزة أختك تفضل عايشة

فاريهان : صدقني هقتلك يا شادي ... يمكن تكون إنت الوحيد اللي هرب ومش مسكناه بس المرة دي أنا مش همسكك أنا هقتلك

وأغلقت الخط ولاحظت فادي الذي وصل من بداية المكالمة

فادي بشك : كنتي بتكلمي مين ومين ده اللي هتقتليه

فاريهان بغضب وهى تذهب ناحية جنودها : ملكش فيه

فادي أمسكها من يدها بقوة : فاريهان متعصبينيش قولت كنتي بتكلمي مين

فاريهان : بقولك إيه مش هعيد كلامي كتير ده شيء ميخصكيش

فادي بإبتسامة ليستفزها : طيب طالما كدا يعني إنتي مش هتزعلي لو عرفتي إني إتجوزت بنت خالتي

وقفت بصدمة وهى تعطيه ظهرها ونزلت دمعه رأها جنودها فحزنوا عليها .. فقامت بمسحها بسرعة وفي نفس الوقت إقترب حازم ورأى ملامح الحزن على وجهها

حازم وهو يقترب منها : فاريهان مالك

فاريهان بإبتسامة حزن ودموع محبوسه : أه .. ميرسي يا حازم

فادي بغيظ : مين دا

فاريهان وهى تنظر له بتحدي : ملكش فيه بردو إطلع بره حياتي بقى أنا بكرهك

فادي : كدابة يا فاريهان إنتي بتعش*يني مش بس بتحبيني

حازم لفاريهان : هو ده بيدايقك لو مدايقك قوليلي

إرتمت فاريهان في حضن حازم وبكت

حازم بقلق : فاريهان إنتي كويسة

فاريهان ببكاء : مخنوقة شوية خليه يمشي أرجوك

فادي بغضب وصوت عالي : ميت ألف مرة أقولك مسمحلكيش تحضني حد غيري

وجذبها إلى أحضانه بقوة

حازم بغضب : إبعد عنها

فادي بتحدي : ولو مبعدتش

فاريهان وهى تحاول أن تبتعد عنه : فااادي إبعد بقى أنا بكرهك

رن هاتفها مجدداً فتركها فادي لتجيب

فاريهان بغضب : نعممم عايز إيه تاني

شادي ببرود : إيه يا قطة مالك بس مين مزعلك بس... أنا كنت عايز أقولك متتأخريش

فاريهان بصراخ ودموع : حاضر مش هتنيل أتأخر إرتحت كدا غور بقى

وأغلقت الخط

فادي : مين دا

حازم : مين دا يا فاري

فاريهان وهى تنظر لفادي : قولت شيء ميخصكش ( نظرت لحازم ) هقولك بعدين يا حازم

فادي بغضب : فاريهان خليكي عارفة إنك ملكي ومش هسمحلك تكوني لغيري

فاريهان بسخرية : أه علشان كدا روحت إتجوزت ولا أقولك سيبك من الجواز لو بتحبني مكنتش هتصدق إني ممكن أخونك بس إنت أول واحد يبعتلك صوري أنا وجاسم ويقولك بتخونك تصدقه زي الع**ط ملاحظتش إني كنت ببكي في الصور فطبيعي إن هو يحضني يهديني إنت غ*ي ومتخلف وحقير

فادي وهو يحاول أن يهدأ : فاري لما تهدي هتندمي

فاريهان : معدش يفرق معايا أنا عايشة علشان إخواتي دلوقتي وأول ما يتجوزوا هسافر بره

حازم : يعني إيه.. هتسيبي الجيش

فاريهان : .......

بقلمي : أميرة الظلام (مروه كمال محمد)