عشقتك يا ملكتي

الفصل 12

فاريهان بقلق : حاضر

أغلقت الخط ونظرت لجاسم بخوف.

جاسم : هو في إيه؟

فاريهان : معرفش بس أنا خايفة ومش مطمنة.

جاسم : متخافيش أنا جنبك.فاريهان بإبتسامة توتر : ها.. أكيد.

رن هاتفها مجدداً برقم منير

فاريهان بغضب : نعم عايز إيه.

منير : ومالك قافشه كدا أنا إتصلت أقولك إن الصفقة إتحدد موعدها بكرا بالليل .. إنتي اللي هتستلميها.

فاريهان : لا طبعاً أنا قولت لبابا إني مش هقدر المرة دي وأنا تعبانه ومخنوقة وممكن أتعصب على الناس.

منير : طيب وأنا أعمل إيه مهو أكيد مش هيرضى يخليني أنا اللي أستلمها.

فاريهان : هو راجع بكرا الصبح يبقى يروح بقى يستلمها.

منير : لا أنا خايف أكلمه دلوقتي تاني أصلوا قالي إنو هينام

فاريهان بزهق : ملكش دعوة أنا هكلمه.

منير : طيب براحتك يلا سلام.

فاريهان بعد أن أغلق : في داهيه

جاسم بضحك : إيه في إيه مين ده كمان

فاريهان : الزفت منير ، أنا لازم أكلم القائد أعرفه إن الصفقة هتتم بكرا بالليل

جاسم : طيب أنا هدخل الأوضة أكلمه وراجع

فاريهان : أكيد خد وقتك

بعد أن دخل جاسم الغرفة قام أحدهم بخبط الباب بقوة مما أخاف فاريهان فقامت لتفتح وبمجرد أن فتحت دفعها فادي ودخل وأغلق الباب بقوة

فادي بصراخ وعينيه تشتعل من كثرة الغضب وعروق وجهه بارزه : بتعملي إيه في بيت واحد عازب

فاريهان بإستغراب : طيب إهدى وأنا هشرحلك

فادي وهو يدفعها بقوة : مش هادي... ها إنطقي

فاريهان بدأت ترتعش وتشعر بالخوف : أأأأأ

فادي وهو يمسكها من شعرها : طبعاً معندكيش رد ... ليه!؟ علشان إنتي واطية وحقيرة ومش كدا وبس إنتي أحقر بنت شفتها في حياتي

خرج جاسم على صوته

جاسم : في إيه ومالك ماسكها كدا ليه

إتجه فادي نحوه ولكمه في وجهه وخرج من المنزل كي لا يقتله.... إتجه جاسم نحو فاريهان

جاسم : ماله ده .. إنتي كويسه

فاريهان وهى تنظر أمامها بتوهان : كلمت القائد.

جاسم : أه وقالي نستعد وأجيبك معايا الشغل بكرا.

فاريهان بوجه خالي من أي تعبيرات : طب كويس.. ممكن تشاورلي على الأوضه اللي هنام فيها وعايزة رباط ضاغط علشان رجلي وعلشان أعرف أتحرك بسهوله بكرا

جاسم : مال رجلك!!؟ إنتي وقعتي عليها

فاريهان : أه مش مهم يلا بقى شاور على الأوضه

أخذها إلى أحد الغرف وأعطاها ملابس من ملابسه وتركها وذهب ليستريح ..حاول الإتصال بفادي ليفهم منه أي شيء ولكنه لا يجيب

عند فادي كان يقود سيارته متجها إلى منزله يكاد يجن مما رأه وقيل له

Flash back

بعد أن فتح فادي الهاتف وجد العديد من المكالمات من فاريهان وجاسم وهناك رسائل من رقم غريب

فتح الرسائل وجد صور لفاريهان وهى في حضن جاسم وآخرى وهى تبستم له وهو يمسح دموعها ومكتوب أسفل الرسائل " إلحق حبيبتك نايمة في حضن صاحبك وف بيته "

Back

وتأكد من ذلك عندما قالتها له بكل بساطه .. كيف يمكن أن تكون خائنه بتلك البساطه وحقيرة.

قلب فادي : هقتلها لو شوفتها تاني هقتلها مش قادر أستحمل خيانتها.

عقل فادي : مهو إنته اللي غ*ي نسيت اللي حصل في أوضة التدريب.. أول واحد جريت لحضنه هو جاسم يعني كانت واضحه من البداية بس إنت اللي غبي

قلب فادي : خلاص إسكت تعبت مش عارف أعمل إيه

عقل فادي : إنساها عاملها كأي واحده أول مرة تشوفها

قلب فادي : مش عارف إن كنت هقدر ولا لا

عقله : خلاص براحتك إفضل حبها زي الغبي

قلبه : خلاص هعمل كدا

في اليوم التالي ذهبت فاريهان مع جاسم إلى العمل وقابلت عبد الله وإتفقت معه على أنها سوف تُقلل لهم الحراسه وتذهب هناك أولاً لتفاجأهم وتعطيهم بعدها الإشارة ليأتوا ويقبضوا عليهم... وخرجت وإتجهت إلى منزلها وإرتدت ملابسها وإستعدت .. وفي المساء جاء موعد الصفقة ووقف سليمان وبجانبه فارس وأمامه الرجل الذي سيتم معه الصفقة ( فتحي ) وقبل أن يفعلوا ذلك وجدوا فاريهان قادمة بموتسكل ونزلت من عليه وخلعت الخوذه ليروها...كاد رجال فتحي يقتلوها ولكنهم إنتظروا الأوامر

سليمان بصدمة : فاريهان!! بتعملي إيه هنا

فاريهان بإبتسامة : إيه ده هو أنا مينفعش أجي أحضر صفقاتنا

فتحي : مين دي؟!

فاريهان : أنا توركان أكيد سمعت عني... على العموم مش موضوعنا دا ... إيه يا فارس ليه مش قولت لبابا على اللي كنت عايز تعمله فيا إمبارح

سليمان : كان عايز يعمل إيه

فارس بتوتر : ها ولا حاجة

فاريهان بإبتسامة وهى تشير إشارة دون أن يلاحظوا ليقترب فادي وجاسم وأحمد ومروان وبقية الظباط

فتحي بصدمة : إيه ده إنتوا عاملين لنا كمين

سليمان بغضب : إنت مجنون إنت اللي شكلك عامل كدا أنا أول مرة أتعامل معاك فأكيد إنته اللي عامل كمين... شكلك تبع الشرطة

جاءوا ليركبوا سيارتهم ولكن فاريهان كانت أسرع وأخرجت مسدسها وض*بت رصاصة على كاوتش كل سيارة.. نظر لها سليمان بصدمة

سليمان بصراخ : إنتي إتجننتي

فاريهان بتفكير : أه أعتقد

فادي بعد أن نزل من سيارته وتوجه ظباطه نحو الجميع : ٱمسكوهم محدش يتحرك كلو يرفع إيده لفوق

رفع الجميع أيديهم لأعلى وقام الظباط بتجميع المسدسات منهم

فارس : إيه ده إنتوا ليه مأخدتوش المسدس من فاريهان

فاريهان بضحكة سخرية : إيه ده أنا نسيت إنك غبي

نظر لها بغضب وضيق

فاريهان : هو أنا نسيت أقولكم إني أنا اللي بلغت عنكم

سليمان بغضب : يعني إيه بتبلغي عن أبوكي

فاريهان بغضب أكبر وسخرية : أه أبويا اللي قتل أمي اللي ولدتني قدام عينيا وبعدها جيت قتلت أمي اللي ربتني وإعتبرتني واحدة من بناتها ولا أبويا اللي رفض يخليني أكمل تعليمي علشان يشغلني في الق*ف بتاعه... وإسمع دي كويس.. ولا أبويا اللي كان مخليني فاكره إن فارس أخويا وهو أصلاً واحد قذر حاول يغتصبني إمبارح ولولا إني هربت ونطيت من البلكونه لكان زمانه عملها

نظر لها فادي وسليمان وجاسم بصدمة

سليمان بغضب : إنت إتجننت يا فارس إنته نسيت إنك حتت عيل جبته من الشارع.. رايح تبص لبنتي يا حيوان

فاريهان : سبحان الله هو ده اللي مدايقك صح..أنا ماشية يا جاسم عايزين حاجة مني قبل ما أمشي

جاسم : إستني نمشي مع بعض

فاريهان : لا مش قادرة هموت وأنام ده غير إن سيادة القائد عايزني.

ذهبت فاريهان وقابلت القائد عبد الله الذي أخبرها أنها أصبحت الآن جاسوسه لديهم ويمكنها الرفض إن أرادت ولكنها وافقت وبعد مرور عدة أشهر قامت فاريهان بعقد صفقات مع أكبر تجار الم**رات والأسلحه وإستطاعوا الإمساك بهم جميعاً عدا شادي ، تم نقل فاريهان إلى سيناء لتدريب جنود الجيش وكانت سعيدة جداً بذلك.. أما فادي يكاد يجن من بعدها عنه ويقاوم بصعوبة وندم كثيراً .. أما إياس وأوزجي تتطورت العلاقة بيننم وتقدم لخطبتها من ش*يقتها ووافقت بسعادة

عند فاريهان في أول يوم لها في التدريب في سيناء كانت تقف أمام 10 جنود

فاريهان بجدية : أنا فاريهان أو تقدروا تقولولي فاري مش هتفرق

أحد الجنود بصوت منخفض وسخرية : مينفعش فيرو

فاريهان :......

بقلمي : أميرة الظلام (مروه كمال محمد)