“DAMN IT, SNAKE! FOCUS! MUNTIK NA AKO DO’N!” gigil na sambit ni Grey mula sa kabilang linya.
Sorry naman! Napatingin kasi siya sa maliit na screen niya kung saan ang camera ay nakatutok sa bakuran nila Naarah. Kanina pa niya kasi hinihintay na lumabas ang dalaga pero hindi man lang ito lumabas. Iniisip niyang baka tulog pa ito.
Napangiti siya nang balikan ang CCTV. Muntik na nga itong mahuli ng kalaban. May pinasok kasi itong bahay at siya ang mata nito. Nasa loob siya ng sasakyan nila habang inaalalayan ito. Maraming mga armadong nakabantay pero nagawa pa rin nitong makapasok dahil na rin sa naka-freeze ang camera. At siyempre, dahil din sa skilled ito.
“He’s moving at two o’clock, bud,” aniyang sa kaibigan nang makita ang bagong sulpot na rumuronda.
Nagtago nga ito at pinadaan lang
