PASADO ALAS DIYES NA nang magising si Naarah.
Pababa pa lang siya ng hagdanan nang makarinig ng sunod-sunod na katok mula sa labas ng pintuan. Nawala na sa isip niyang tingnan ang nasa labas kaya nang makitang si Akilah ‘yon ay agad na sinara niya, pero pinigil lang ng kanang kamay nito.
“Ano bang ginagawa mo dito?”
“Gusto ko lang magpasalamat sa ‘yo. Ikaw pala ang naghatid sa akin.”
“Maliit na bagay. Nakiusap lang si Xavier.” Tumango-tango ito sa sinabi niya.
“‘Yon lang ba sasabihin mo?”
Muling tumango si Akilah kaya isasara niya sana ang pintuan nang pigilan ulit nito. Kunot ang noo na tiningnan niya ito.
“Ahm, nagluto kasi ako, sobra para sa akin. Okay lang ba kung bibigyan kita?”
“Ibigay mo na lang sa iba—”
“Please?”
Mukhang hindi naman yata susuko si Akilah kaya tumango na
