HINDI maalis ang ngiti sa mukha ni Aya habang nakahiga at handa na sa pagtulog. Magaan ang kanyang pakiramdam at lumolobo ang kanyang puso kapag naiisip niya si Elijah. Para pa siyang engot dahil payakap-yakap pa siya sa unan pagkatapos ay kikiligin. Ano ba itong nangyayari sa kanya?
Bumangon siya at naupo. Niyakap ulit niya ang malaking unan pagkatapos ay tumunganga. Nasa isip pa rin niya ang guwapong mukha ng binata. In love yata ako sa lalaking iyon.
Biglang napaunat ang likuran niya. Nawala rin ang ngiti niya saka napakurap-kurap.
Inlove siya kay Elijah? Pero hindi puwede. Hindi siya puwedeng mainlove sa lalaking iyon. Hindi puwede. Sunod-sunod siyang umiling. Pero sino ang lolokohin niya? Aminin niya o hindi, malakas ang pintig ng kanyang puso sa tuwing maiisip ito. Iba ang hatid
