NANG mga sumunod na araw ay walang masabi si Aya sa pakikitungo sa kanya ni Elijah. Tuluyan na itong naging mabait sa kanya. Kahit minsan, maraming katanungan sa kanyang isip ay binabalewala nalang niya. Ang mahalaga ay hindi na siya nito sinusungitan at sinasabihan ng kung ano-ano. Maayos ang samahan nila at wala na siyang dapat pang isipin o iwasan sa mansiyon ng mga De Luna.
Sa umagang iyon ay nagprisinta siyang sumama kay Sally para magrocery. Paalis na sila ng mapansin sila ng binata.
“Saan kayo pupunta?” ang naging tanong nito ng makitang aalis na sila.
Kagagaling lang nito sa taas at preskong-presko dahil bagong paligo. Gusto niyang kiligin sa nakikitang kaguwapuhan ng kaharap. Napakaguwapo talaga ng crush niya. Muli ay kinastigo niya ang sarili dahil sa isiping iyon. Hindi maa
