“NAKU! Mabuti naman Aya at magaling ka na. Alam mo bang hindi mapakali si Senyorito Elijah dahil sa pag-aalala sa iyo.” Narinig niyang sabi ni Ella. Naging madaldal na ito sa kanya maging sina Sally at Karen pagkatapos ng naging session nila sa ginataang mais noong nakaraan kahit wala naman noon ang huli.
Napatingin siya sa babaeng abala sa pag-aayos ng kurtina sa silid niyang mag-asawa. Ito rin ang nagdala ng kanyang agahan na nahuhulaan na niyang utos ng binata.
“Talaga?” tumaas ang isang kilay niya. Ayaw sana niyang maniwala rito kung hindi lang niya nalaman ang ginawa nitong ‘pag-aalaga’ sa kanya kagabi.
Tumingin sa kanya si Ella. “Oo nga. Grabe ang pag-aalala niya sa iyo. Hindi na nga niya pinasabi sa papa niya ang pagkakasakit mo eh.” At saka pilyang ngumiti sa kanya. “Akala nga n
